„Þessar hátíðir væru hvorki fugl né fiskur ef þær væru haldnar einhverstaðar annarsstaðar“. Umhverfi og upplifun á Ásbyrgishátíðunum 1938-1980

Í þessari ritgerð verður fjallað um hátíð sem haldin var í Ásbyrgi af Ungmennafélagi Norður Þingeyinga. Sú hátíð var alltaf nefnd Ásbyrgishátíð og stóð sem hæst á árunum 1938-1980. Leitast verður eftir að draga upp skýra mynd af hátíðinni, hvernig hún fór fram og af hverju fólk sótti hana. Ritgerðin skiptist í 4 meginkafla auk inngangs og lokaorða. Fyrst verður gerð grein fyrir aðferðafræði og viðmælendum. Þriðji kafli fjallar um helstu kenningar og hugtök sem við koma rannsóknum á hátíðum og athugað hvort hægt sé að yfirfæra þær kenningar á Ásbyrgishátíðinar. Hugmyndir um stað og staðarvitund verða útskýrðar og notaðar til að varpa frekara ljósi á upplifun gesta á hátíðinni. Fjórði kafli er um tilurð ungmennafélaga, hlutverk þeirra og hvernig einstakt félag stóð að Ásbyrgishátíðunum Fimmti kafli fjallar um Ásbyrgishátíðina, hverskonar hátíð þetta var og hvað dróg fólk að henni. Umhverfið spilaði veigamikil hlutverk og því verður því verður umhverfi og umgjörð hátíðarinnar lýst og þeirri rómantík sem ríkti á staðnum. Fjallað verður um hátíðardagskrá, íþróttakeppnirnar sem fóru þar fram og síðan drykkjuna sem fylgdi hátíðinni. Í lok þess kafla er fjallað um hvaða þættir höfðu áhrif á að hátíðin leið undir lok og hvernig reynt var að endurvekja hana seinna meir